kung sa Pilipino
MAHIRAP
pang-uri
ibig sabihin:
Tamad ka. Hamo nang kayod nang kayod maghapon-magdamag, basta sabi ng nakaupo, tamad ka.
Ayan na ang pulis, alis, alis, alis diyan sa lupang hindi inyo kahit 'yan ang nilakhan niyo.
Anak, isubsob ang sarili sa trabaho't aral sakaling umalagwa ang buhay. Baka lang naman.
BABAE
pangngalan
ibig sabihin:
Yuko, dapa, tuwad kahit buong laman mo'y umaalma. Tangina ka, ginusto mo 'yan, 'di ba?
Mahirap marinig ang tinig-pepeng sigaw kung utak-titi ang pinapagana.
'Wag kang hihinde, tanga, kung ayaw mong mabaril sa puke.
LUMALABAN
pandiwa
ibig sabihin:
Sa Malacañang o sa bangketa man tumae, sa huli ay sa pwet pa rin ang labas. Liban kung Presidente ka.
Tigilan na ang pangangayupapa sa nagpapakasasa sa kapangyarihan.
Ang tao. Ang bayan. Ngayon.
